Առուն

Մեր այգու անուշ հոտով:

Մեր այգու դռան մոտով

Գնում է մի ջինջ առու,

Մեր այգու անուշ հոտով

Գնում է հեռու՜, հեռու՜:

 

Գնում է ու չի քնում,

Չի քնում բոլոր տարին,

Գնում է, գնում, գնում,

Խառնվում Որոտանին:

 

Ափերին ծառ ու ծաղիկ,

Հատակին ոսկի ավազ,

Գնում է ալիք-ալիք,

Հասնում է մինչև Արազ:

Հյուսվում է Արազի հետ,

Նրա հետ մտնում է ծով,

Մեր այգու ցողերի հետ,

Մեր այգու անուշ հոտով:

Մեր այգու դռան մոտով

Գնում է մի ջինջ առու,

Մեր այգու անուշ հոտով

Գնում է հեռու՜, հեռու՜: